عُمله نادره
ــــــــــ
ولسه ياما ح نشوف
م الدُنيا والمخاليق
دااللعب ع المكشوف
ومعدش حد برئ
لينا حق نتحَسَّر
ع الماضى وسنينُه
وح يحصل ايه اكتر
م اللى احنا شايفينُه
على كل ذكرى زمان
تنزل دموع العين
ونقول ياأهل زمان
أخلاق زمانكم فين
الطمع ع الخلق سيطر
والنجاح من غير رسوم
واللى يعرف يكدب اكتر
لـــــــــو وقع يقدر يقوم
والقلوب مابقتش صافيه
والنفوس دايماً بعافيه
والمشاعر تبقى دافيه
بس دا عند اللزوم
الضمير كيف الأضاحى
مات وخد ختم المغادره
واللى لسه ضميرُه صاحى
فى الزمن دا عُمله نادره
سامى النويهى
ليست هناك تعليقات:
إرسال تعليق