-***-قصيدة
حاولت انساكي
حاولت ,أنساكي. مقدرتش
حاولت ألغيكي من عقلي
لقيته بيسرح فيكي ويخبي
وبيداري علي اللي فات.
حاولت انفيكي من قلبي
قفل بابه وهددني..
ها قف وها بطل الدقات
حاولت أمسح حروف اسمك
لقيتهم ع الشفايف
نقش مش رسومات
حاولت أنسي ذكرياتك
ضحكتك.همستك.كل كلمة
حب قولتيها بشفايفك
حتي حضنك يوم
لقانا من سنين ..
لسه حاسس بيه
كأنه من ساعات
لسة فاكرة يوم لقانا؟
فاكرة ادأول مرة شفتك؟
مسكت إيدك..لمست جسمك
شفت شوق الدنيا كله
في عينيكي بيانديني ..
كان يوميها أول مرة
يسكن فيها حبك جوه قلبي
وجاية دلوقت..تقوليلي إنسي
أنسي حبك؟ ..أنسي إسمك؟
صدقيني حاولت.........مقدرتش
لأنك ساكنة جوايا
بين ضلوعي..تحت جلدي
بين جفوني ..جوة قلبي
إنت حبك..ماشي في
عروقي. .ويا دمي
كل ده وعايزاني انسي
صدقيني حاولت..حاولت
حاولت انساكي... مقدرتش
**من أشعار......
د..عصام حماد
إهداء...ٱليكي
.
ليست هناك تعليقات:
إرسال تعليق