ماشيين زى الموج مانعرف فين رايحين
بيمر بينا العمر قدام عنينا ومش شايفين
بنلاقى ناس على ناس تانية دايما حقدين
وماتعرف فى حياتها ترسم بسمه عالجبين
دايما صايبها الهم وبغيرهم مشغولين
ياريت يعرفوا إن العمر يادوب حبة سنين
وفى ناس تانية عايشين ومش عايشين
مليهم الإحساس بالفراق والشوق والحنين
عايشين على ذكرى الماضى بدمع مالى العين
نسيوا طعم الفرح وعايشين بقلب حزين
بس فى ناس لسة عندهم أمل فى بكرة أحلى
وعارفين إن المر بيمر وإن الحياة زى الرحلة
فيها فرح وكمان حزن وكله بيبقى ذكرى
ومايبقى إلا الخير وحب الناس الطيبين
انتصار🌺
ليست هناك تعليقات:
إرسال تعليق