ماتحاولش
(ماتحاولش)
ماتحاولش
ماتحاولش
ماتحاولش
ماتحاولش تجرني تاني لهواك
منك انا مجروح ومش بارتاح معاك
ندمان وجاي بتتمنى رضايـًا
وللا جاي تزود في أسايا
فات الأوان فات الأوان
وانتهى وقتك معايا
مانا ياما عشت باتمنى رضـاك
وانتا عني مابتسألش
ماتحاولش
♡♡♡
قلبي منك اكتفى
ومن العذاب استوى
ولاشاف وفا
ولاشاف صفا
ولاداق دفـا
وكل ماحكي حكايتي لليل
وللقمروللنجوم
يقولولي يقولولي يقولولي
سيبيكي منه دا مايستهلش
ماتحاولش
♡♡♡
لابحلو الكلام
ولاسحر الغرام
ولا بالدموع
تقدر تنسيني الآلام
ولا حرضى تاني بالرجوع
اناغير اللي انتا عرفتها
اللي انتا ياما ظلمتها
وم السعادة حرمتها
وجرحتها
وسقتها من مر الدموع
وطفيت في ايامها الشموع
ده مستحيل ده مستحيل
قلبي ليك تاني يميل
حتى لوالشمس رفضت الطلوع
والقمر بالليل منع السطوع
من تاني مش رح اتخدع
دانا قلبي مليان بالوجع
هارمي الحنان من جوايـّا
ومش هاسلم للخضوع
بالطيابه والبراءة ماتمثلش
ماتحاولش
♡♡♡
الحب عمره ماكان كده
ابدا ابدا بالشكل ده
الحب جنة من الأمان
وبحر مليان بالحنان
الحب زهرة مزهزهة
والقلب ليها هوه البستان
الحب مهما يموتوه
ابدا ابدا مابيتقتلش
ماتحاولش
♡♡♡
انساني انسى انساني
ابعد وشوف غيري تاني
انامستحيل ابقى عشانك
وانتا كمان مش علشاني
اقعد وفكر مع نفسك
وشوف بقلبك وبعقلك
ظلمك لي وعمايلك
وحط نفسك في مكاني
بالعدل احكم ولاتظلمش
هتلاقي اللي انتا عملته
فيـّا كتير ومايتعقلش
لوكنت انا اللي غدرت بيك
كنت أكيد ماهتتحملش
كنت أكيد ماهتتحملش
ماتحاولش
ماتحاولش
ماتحاولش
***
كلمات
شاعر الإحساس
رضا عبد الحميد
ليست هناك تعليقات:
إرسال تعليق