شبابيك ...
الدنيا كلها شبابيك
شبابيك نطل منها
علي الحياة
ونستمتع بكل الوان الزهور
وشبابيك تفتح
ابواب امل
وتملي الدنيا
وسط العتمه نور
وشبابيك نقفلها
في وش ناس
عيونها حاسدنا
ووشوشها مليانه
بكل الوان الشرور
وشبابيك بتتوارب
لاجل مانرتاح
وقت القيلوله
او بعد الغروب
يا بن ادم
لو شبابيكنا من قزاز
طب ليه نحدف
الناس بطوب
دا كلنا لولا ستر ربنا
كنا اتفضحنا من العيوب
احمد المرشدي
8 سبتمبر 2021
ليست هناك تعليقات:
إرسال تعليق