*** قصيدة :
ذكريات..
★لسه فاكرة ...؟
لما كنا بنتقابل سوى
وقت الغروب
لما كانت الشمس بتشاورلنا
وبتودع قلوب
وألإيدين ويا الإيدين
متشبكة
والعيون ويا العيون
دابو فى الحب دوب
وكل ما فينا نطق ..حتي
نبضات القلوب.
★لسه فاكرة ..؟
لما كنا بنتفسح سوي
وسط الزهور
والزهور فرحانة بينا
وبحبنا..وبتوزع عطور
لما اشوف في عينيكي
سحر الحب
لما أحس بشوق ولهفة
قلب
لكلمة حب تجمعنا ..تدفينا
تتوهنا ...وبينا تدور
★لسه فاكرة ..؟
لما من فرحنا ..
في كل بستان لفينا
وحكوا لزوارهم ..حكاية
حبنا
وعلي جدور الشجر..
بالقلوب ..كتبوا أسامينا
والمنتزه بالحب بالفرحة
فاتح أبوابه لينا
وميته ..ويا الخضرة
حضنت ..تلاقينا
والشجر ويا الزهور
بيتغامزوا ويتهامسوا
علينا..
★لسه فاكرة ..؟
لما كنا في الشتا
علي البحر نجرى
والسماء تمطر علينا
والهوا يخبط في وشك
ويا وشى ..ومن قوته
نغمض ..عينينا
توحشيني ...اللحظة
دية
أخدك في حضني ...
ونبض قلبي بينا دينا
★الذكريات دي كلها
وحشتني....
وأنا لسة يا قلبي فاكر...
و انت كمان لسه فاكرة؟
لسة فاكرة..؟
لسة فاكرة...
.............................ء
# من أشعار :
عصام حماد
ليست هناك تعليقات:
إرسال تعليق