(حديقة حيوان الدنيا.)
وهاتعمل ايه!!
لما تكدب في عيونك!!
تمسكك الخضه
وتحس بنظرك بيخونك
وتشوف كام جرو
آل مكسي.. بفرو
وعاملي... خروف
وعن....... المألوف
تلاقيه يكاكي
.......!!
وتشوف في اسود
بدموع ......بتموء
وبطوق ..مخنوق
وبتنطق هو.......
........!!
وتشوف في كلاب
اتغير ....لونها
واتغير .صوتها
بتقول... نونو
.......!!
وبديب مصعور
بيولع... نور
لناس في العتمه
وبيفرز مين
طخين وسمين
يأكله في قطمه
....... !!
وتشوف في قرود
وعن المعهود
بتقول حكمه
.......!!
وتلاقي غراب
قلبها خراب
وبغصن زيتون
.بيلوح
........!!
وتشوف في حمام
بجناح مكسور
مقصوص ديله
ونسي هديله
...و بينوح
........!!
وتشوف نسناس
والخاتم ماس
وفي ايده الكاس
وبيطوح
........!!
وبيجري القط
بيفط ينط
.قال ايه بيطير
وفي وش الكلب
.عامل مغوار
و زئير ومغير
........!!
وصوت الديك
بدله بنهيق
اصله اداين
فرط في فراخه
وباع كتكوته
وعليه هاين
.......!!
وشفت حمار
خطط نفسه
لاهله وجنسه
وطلع خاين
........!!
وحصان.مربوط
بأحمال وخطوط
وتاهت نفسه
هل هو حصان
ولا ابن حمار
كان بينفسه
.........!!
وماشي المسخوط
جواه منقوط
من ال يشوفه
شد في شعره
ويخبط..وشه
بكفوفه!!
...ويقول كتاكككككككيت.!!
ليست هناك تعليقات:
إرسال تعليق