.........خواطر...
سارح في ملكوته
بعيد........> وابعد
وتتغير نظرات العيون
وتلبس جلد مش جلدك
وتوه مع جرحك
ومع عندك
وتتعرف باقدامك....
تراب تاني قدامك
وتتمعن في.سما المكان ..
يادوب واصل
وكأن نجومها لأول مره بتشوفها
وتتفحص اوي فيها
لتتعرف علي وشوشها
وكل حاجه بتشوفها وبتطول....
وتتعرف علي الحيطان
علي دخان وليه ريحه
بعيد ..بتفوح
علي ال شارع
علي مدنه عاليه فوق جامع
هديل يمام غراب بينوح
علي لمبه منوره فوق سطوح
وصوت طاوله وشيش بيش
وبعيونك مابتطولهم
وجوه القلب كام كسره ...
ووحداني
تحاول تنسي ولاتطولهم
و تسرح.. عيونك.. مهوداك
تزووغ.. وتحلق.. في الهوي
واديك ماش وجاي للدنيا
المغرب...
ومستغرب !!
واديك ماشي...
تتأمل في البيوت.
ساكنها الصمت والسكوت..
وهي.. مشرخه
راسم عليها العنكبوت
حيطانها مايله
مسنوده
علي غيرها آيل للسقوط
وضلفه شيش
مكسوره ومأرخه
لسنين فاتت وحداني
وانا وهو نفس الهم
وحيد هو
ووحداني
واخر اللفه هاتريح
علي قهوه تكون هاديه
تكون فاضيه
تنقي ركن ف... مراسيها
تهبد الجته علي كرسيها....
بصوت مبحوح
واحد.. شاي
ويجي وقت ما يجي
وتتمني ما يكون جاي
ماهو مش عاداتك
تتمطع علي الكرسي
تروح ف النوم
من الهده طوال اليوم
وبدون كلمه ولا.لزمه
تصحي علي. ميه
داخله.في الجزمه
ولامؤخذه....."
هانمسح .."
مفيش...أزمه
واهي...قومه.
واهي عومه
بدون مقداف
تقوم ...تاني
تلف.... تلف
بدون أهداف ..
دماغ بتفضي.
مافيها من اي خلاف ...
وانا سارح...............
ليست هناك تعليقات:
إرسال تعليق