((عباءة الغدر))
لا للإرهاب
وجاي تاني تعيد الماضي م الأول
نسينا اسمك مع رسمك
ونسينا غدر عمنول
وجاي تقش بالعشرة
ماهي هانت بقى العشرة
خسيس واطي ومعدنك ولا القشرة
ياريت الفعل من راسك
إزاي تهون عليك ناسك
بايع ياكلب أنفاسك
ويوم ماتدق أجراسك
قال ايه ترفع شعار الدين
وزناد وطلقة من إيدك
تنهي بيها حياة سيدك
صحيح مساكين
ووصمة عار على جبينكم
وروسكم مغموسة فى الطين
بيكام البيعة يامسطول
بعد ماتنفذ الضربة
تصبح أفة لهم جربة
وتعيش باقى الحياة مذلول
سمعت الأه من أخواتك
بقول إخوات عشان عربي
ومين يعملها غير عربي
أجير لسيدة الغربي
ينداس على قلبىة ببيادة
ويفهم إن دي شهادة
حلال القتل ياسادة
مادام الضحية دا عربي
ومش هنفوق
مادام لسه
للعبيد فية سوق
وعذراً ياولادي الشهداء
إعلامنا قليل لو علق
مشغول بقضية ومقلق
ابو هشيمة لياسمين طلق
معاك عذرك ياإعلامنا
بقلوب محروقة بتنادي
فى جنان الخلد ياولادي
مفيش صاحب ضمير راضي
وحقك يابني لازم يعود
ياعود شاخ ومن بدري
وغير القهر مايدمي
شربنا المر من يدري
نبيل عبد الحليم
١٠/٥/٢٠٢٢
ليست هناك تعليقات:
إرسال تعليق