..(. تأشيرة) /٧٣
صحاري الموت ماسمعه صوت
لصراخي وندايا
سراب كداب وعلي الابواب
ماحسه القهر جوايا
سلوك شايكه. وأبواب تايكه
لعدوينها
ونار وشرار
ونظر غدار لواحد منها
وانا منها
ولوني هو نفس اللون
وتوني هو نفس التون
و نفس اللكنه والسكنه
لاكن محتار
ما بين الترحال والسكنه
وفي حيره
.من السؤال..ومن الاقوال.
انا منك
وتاه دليلي في الصحره
وراح كل اثبات
وفي الرمل غرق
انا منك ومفيش
..أدله من ..ورق
عربي ..ولغتي اهي
وبنطقها وما بضلك
وبقول لك علي بابك
.بستجير من الشمس بضلك
.ولاعارف ده ..باب مين
و لا قصدك انت وبعينك
لكن قاصد الرحمه في دينك
عابر سبيل وقاصد ينك
وده املي
غريب وتاه جملي
في وسط.. رمال
وتاه مني حتي النجم
واتخفي وسط الجبال
اجيب منين انا تأشيرة
انا في حيره .
أخ الديره........
هو انا ممنوع
.ده انا منك انا عربي
ولافضائي .!!...
ولا مصنوع!!
ليست هناك تعليقات:
إرسال تعليق