وجع الصمت ...
مطلوب منك
متتوجعش
ولا يبان عليك
مطلوب منك
تضحك
وسط الالم
حتي لو
فرت الدمعه
من عينيك
وتسمع وتهون
وتراضي وتصالح
وانت اصلا
خلصان
ومفيش حد
بيسال عليك
مطلوب منك
تبقي ضهر
وانت فاضي
من جوا،
وبتعاني قهر
مطلوب منك
حلو الكلام
وانت اكتر واحد
بتعاني منهم
هجر وخصام
تنصح وانت
اكتر واحد
محتاج لنصح
تريح ال قدامك
رغم أنك
من كتر الألم
عينك مابتعرف تنام
ااة يا قلبي
اللي اتوجع
ولا حد حس بيك
ولا حد جه في يوم
يمسح دمعتك
ولا حد جه
وطبطب عليك
احمد المرشدي
7 ديسمبر 2021
ليست هناك تعليقات:
إرسال تعليق