حقيقة الدنيا
نتوه في الدنيا والرحلة
وننظرها وتنظرنا
فتضحك لينا تفرحنا.
نقول عادي وهنكمل
هنتعب حَبة نتحمل
ومِسْتَنِّيْن مرة تصارحنا.
تغيب عنا
وتجهلنا وبنعافر
في موج عالي بعيد الشط
نعيش الرحلة في الفرقة
ما بين غربة
بطول ليالينا تجْرَحْنا
ساعات الحزن بيطوِّل
وحقد عدو بيهوِّل
فنستني لِلَحْظة يمر
تمر صِعاب فنتألم
بطول العمر وسنينه
وشِدة ضَرُوس بتدَّبحنا
لِسان حالنا
تملَّي بيحكي مولنا
وأوجعنا وآمالنا
وغافل من هموم غيرنا
ما بيسمعنا
بيتظاهر
نعيش العمر في مظاهر
جُمول زيفة بتجرحنا
تضللنا وتبعدنا
بنفس الكبر تعاندنا
تسوق لينا غرور النفس
فتفرحنا وتسعدنا
بغفلتنا وجهالتنا
نسير نمضي ونبني الشر.
وتخفي نُفوسنا
أحقادنا وأسحارنا
مذاقها المُرَّ.
نعيش نلهس
في جَمْع المال
جهيل كُومنا
لكونه حرام لكونه حلال.
نفكر حتي نحياها
لطول من الدهر
بطولها نعيش
تطمنا وتغرينا وتخدعنا
وتيجي في لحظة تباغتنا
تقول معاييش
شِعْر عامي بقلمي
/صدام الصعيدي
2021/12/23م
ليست هناك تعليقات:
إرسال تعليق