الشاعر محمد تيكو

وبستكتر ف نفسي ساعات
أعيش أحساسي بالفرحه
وف الغالب يوماتي أبات
مسجون ف رعب جوايا
أقوم واهرب من الأفكار
ومن قسوة قلوب جارحه
ألاقي الخوف بيسرقني
ياخدني لصوره ف مرايا
وبستغرب من الأوصاف
دي ملامح مش بتشبهلي
لو ادقق ف عيني بخاف
من نظره الصوره تحكيها
كأنه عتاب بدون أسباب
على قصة غياب لضمير
وبتحاسب ملامح وش
على كل خطوه بمشيها
وبتصارع حروف الأسم
كأنه شقوق ما بين جلدي
تعدي سنين قصاد عيني
بتحكي حكايتي ترويها
ونتشاكل ف قلب الحرف
تكتبلي إن ده كله مصير
تغني غنوه أنا بعشقها
تقتلني بكل معانيها
ألاقي عيوني تتهرب
من نظرة عيون صوره
شعور جوايا بيقولي
ف كل كلامها معزوره
أحس الخنقه تقتلني
أحساس السخط يملاني
ألاقي الصوره تشاورلي
وتحلف إن أنا الجاني
أعيش جوه صراع نفسي
ما بين نفسي وبين اليأس
ولحظة صمت تملكني
يعذبني أنين الهمس
بكل جوارحي أنا ثاير
كفايه جراحها تقتلني
كفايه نلف ف دواير
كفايه مرايتي تهزمني
همد أديا واكسرها
مش قادر أعيش فيها
وكل كلامها أنا نسيته
وحتى الفكره همحيها
هلملم كل أجزائي
وابني طريقي أنا بيها
هكون نفسي بملامحي
واكون عايش علي المغزى
وهوصف صمتي بكلامي
وهتدارى ورا المعنى
لا عمري هخاف من الأيام
ولا نفسي ولا أسمي
ولا من صوره ترعبني
وصراعي النفسي يمنعنا...............