نقول تانى/للشاعر/حماده مختار

.................... نقول تاني .................          
الكلام ده أنا قولته مرة زمان ................    
والزمان يشهد  عليا و ليا .        
القبيح  وسط  الجمال بيبان  ................      
يهدم الصورة اللي كات ورديه.  
والنهاردة هعيد كلامي تاني  ................        
يمكن أعدل صورة  مقلوبة  .      
وألا  نعرف مين فينا الجاني ................        
واللي داير يرمينا بطوبة  .            
ليه  بيكسر  فينا  أحلامنا   ..................  
ليه  بيقتل  الأمل  فينا   .        
من  ورانا   وألا   أدامنا    ...................      
مش عاوزنا نرسي علي مينا .        
كنا  أطيب  ماخلق  ربنا  ....................  
القلوب بالخير كانت طارحة .    
كل   أهل  الارض بتحبنا   ..................      
كنا  أجمل صورة ف الصفحة .  
والنهاردة  إتقلب  الحال   ..................  
الغني زاد في غناه  و فجر  .    
والفقير صابر وصبره طال .................    
لما فاضبه الكيل اوام انفجر  .      
كل حاجة كان شايفها  بعيد ...............      
كل مايقرب  يدوق  المر   .  
كل  أيامه  نهارها  شديد   .................    
قلبه بيتكتك ف عز الحر  .    
زي مركب تاه ف عرض البحر  ............    
مالتقاش نور يهتديبه  لبر .    
زي قمحاية ف وسط الصخر  .............    
مستحيل هيجيلها يوم تخضر .        
ابتسامته الحزن فيها  فرض  ..............      
ابتسامة  من حزين  مضطر .        
منتظر  عدل السما  ف الارض .............      
ينتقمله  من  حيتان  الشر .              
 ******************************************************
 ********* {  حمادة مختار  }