ذكريات
كل واحد فينا عايش ذكرياته
ليل نهار يغنيها بآهاته
كل واحد فينا يبكى ع اللى فاته
يا حبيبى مُرّة ليه الذكريات
نفتكر ليه كلمة قاسية.
لحظة ناسية..
أحلي ايامنا اللى فاتت
ليه نعيد في الذكريات
كلها جراح مالية قلبى
كلها دموع ع اللي فات
يا ما غنيت لك حبيبي كتير زمان
لما كنت معايا غنوة للزمان
ليه بنبكي ع اللى راح
ده اللى باقى في عمرنا
مستحيل يشفى الجراح
اللى راح كان حبنا ..كان بسمتى
كان عمرى كله ..ضحكتى
دلوقت مش قادر أعيش ..ما انا عشت ليك
وازاي اكون تايه غريب ..مين يشتري قلب الغريب
لو يتحرق ..ح يكون دهب ..الماظ ..ياقوت
لكن يموت ..!
مستحيل حبك يموت
ذكريات ..ذكريات ..حلمها ليل واغتراب
كلها شكوى وعذاب ..
كنت ليلى ..كنت نيلى ..كنت ضحكى و بسمتى
كنت ورد لجنتى
معقولة كان حبك ..سراب ..كان مسرحية
لآجل أفارق في النهاية
والنهاية تملى مُرّة ..
اكتبيها بدمعتى ..على جثتى
ما انا جثتى مش نافعة جثة
لا تندفن ..ولا حتى يأكلها الغراب
عايشة ذكرى جوا مٍنّى...نار عذاب
ليه يا قلبى ..كفاية حيرة
ليه يا قلبى ح نعيد الجراح
ذكريات مع ذكريات
النهار والليل نغنيها آهات
كل واحد فينا ..حاول مرة ينسى
مستحيل ..مستحيل ..لو حتى ننسى
عايشة فينا الذكريات
طبرق ٢٠٠٣
اهداء للفنان الاستاذ الدكتور صلاح الدين خيرالله ..طبرق
ليست هناك تعليقات:
إرسال تعليق