ذكريات
بتقولي لي ..ذكريات
وتقولي لي خلاص نسيت
اللي بيننا ذكريات
حلم شفتيه في عيوني
عاش ف قلبك ..تاه ف دربي
راح وفات ..
خوف ..وفُرقة
شوق ..وحُرقة...عمر فات
بتقولي لي ..ذكريات
و اختيارك كان خطيئة
عمري كله بالدقيقة
حلم فات ..؟!
لا يا روحي كان حقيقة وشفتها
لما دربك كان طريقي ..عشقتها
لما أحلامى في عيونك شفتها
كنت ..انتِ ..زي ما أنتِ
هي أنا
ليه أنا ..ما بقتش أنا ..!
تهت ويا الذكريات.
واللى بيننا خلاص ..يا روحي
اللي باقي معاك جروحي..
ذكريات ..!
ضيعت عمري معاك ..آهات.
لا يا روحي..يا أنا
لسّه أنتِ ..هى أنا
لسّه نبضك..دق قلبى
لسّه حلمك..جوه قلبى
مهما طال البعد عنك
يبقى اسمك..هو انا
واختيارك كان حقيقة
مش خطيئة ..
اختيارك كان حقيقة..
كان ..أنا
5/2003 اسكندرية
ليست هناك تعليقات:
إرسال تعليق