آه يازمن/للشاعرة/زينب سالم

آه يا زمن
شعر  / زينب سالم
أنا كنت فين و رايحة فين
عشت عمري كله بغمضة عين
يا ترى يا سنين يا أيام يا ساعات
فاضل لي فيكي وقت كام و منين
يا زمن يللي أخدتني من نفسي
كمان مش عارفة أتسند على مين
أنا فكرة و ألا كلمة و ألا أمر
جيت من ظلام و واخدني الأنين
كنت هناك لسة بروحي نفسها
صغيرة و بأجري و جوايا الحنين
هناك من زمان زمان لا من يومين
كنت ما أدري جايلي و مخبي
ضحكت كتير أبدا و بكيت و حزين
فاضل مالذكرى بس آثار السنين
جوة حضانتي و مدرستي كنا قاعدين
ما عرفنا إن مر من يومها خطوتين
يا سلام بسرعة كده يا زمان واصلين
آدي حادي بادي مروا مستعجلين
مروا قبل ما أقول يا ليل يا عين
آدي حكايتي و حكاية السنين
كنا يا دوب واء بعدها قلنا مواويل
آديني هنا بأودع كل إللي راح و حزين