نفس عميق/الشاعر/مراد مصطفى مراد

نفس عميق**
خد راحه مع نفسك
وراجعها شويه شويه  كويس
وشوف يمكن انك غلط
بتخرف ساعات  وبتهيس
مش اى حاجه تقول عدس
اختار  بعقلك وفرق وميز
عقلك ده راح فين منك
يا حلو يا ابو الفطانه يا كيس،،،
بقيت فيك بتعجب ومحتار
صادق ولا بتكذب ولا مشفر ومتكيس،،
ولا ده استغفال ولسعه  قفا
لمعتوه ماشى دايخ وخرمان ومفيس،،،،
شديت نفس كتير  علينا ورصيت
على قلبى حجر ودخانك عمانا وانت بتشيش،،،
اللحمه فين راحت بعد السقط والجلد
لا  قادر اطير تانى بجناح مكسور
عدمان ومنتوف ومتريش،،،
انا كل مطلع منك واغور بعد العمر
ارجع تانى فى وشك يا حظ و اخيش،،
قفيش وفيلم لحياتى بيتكرر بإخراج واحد
ودور ملازمنى وحيد  فقر
متعاقد عليه ومتبصم ومتفيش،،،
ومركب تايه فى بحر  ومحمل
 وشوش ملهاش عيون عاميه
عن البر  ومش خايفه لتغرق وبتيس،،
اركن على الشط ونزلهم من رحلتك
هيكون فيه أمل
التقل مش صنعه فى كل حاجه
والعبد لو كلفك فى التربيه
برضه رخيص بدون صوت
وفعله يا صاحبى رخيص،،،
الفكر اللى فى الوحل
اوعى يغرك منظره حتى
لو كان جميل نافش ومتهيش،،،،
ابعد بعيد عنه متسمعلوش
واقعد هناك فى جانب  وخد حيز،،،،
مولد يا دنيا انا لايص هنا
واخويا  مش حاسس فرحان وبيهيص،،،
بقلم مراد مصطفى مراد