فتح عينك/الشاعر/محمد صالح

#جديده
#محمد_تيكو
8\2\2016
(فتح عنيك )
صباح الخير أجمل صباح
ودع خلاص نوم القلق فتح عنيك
ادفن رماد حلم أتحرق بين الورق
وانفض تراب المقبره
 من ع الهدوم
وكفايه نوم أصرخ واقوم
من فوق سرير اللي أكتفى
نايم ويحلم بالشفا ع المبخره
وساعته لسه مأخره بترجع ورا
ضاعت ملامحه من حياته
وحبره ساب المحبره
فتح ستاير غرفتك شوف سكتك
من بين أطار شباك أمل
انحت مرور بين الزحام
انزل وتوه بين المدن بين السكك
واجهات رخام تملى شوارع دنيتك
مترصعه بحروف بتوصف وحدتك
لون غربتك وسط الوطن
متعرقه متزوقه
 متطعمه بطعم الفتن
واليافطه مكتوبه بشجن ياغربتك
رجول تكعبل خطوتك وسط الطريق
ممكن تكون عنك غريبه
ومش غريبه تكون صديق
أما الأعاده بالبطئ
أضحكلها وانت بتقع
ترجع تقوم عارفك جدع
أمحي الهموم سكن وجع
خلاص و فاضل خطوتين
ف خطوط كفوفك سكتين
هتسمع الماضي اللعين بيندهك
هيموت ونفسه يغرقك
هيمد ايده يشد حلمك يسرقك
وحيه تحلو ف عنيك تلعب عليك
تمايل الخصر النحيل
وتزحفك فوق النجيل
تهد فيك وبمكرها
تحلف تجيبك وكرها
جوه العسل هتلاقي مر
متقولش حر
هتبقى عبد ف فحضنها
تحقن ف حلمك سمها
أرفع ايديك مش سكتي
زمرلها مزمار طويل
رقصها بالناي الحزين
مفيش شمال ومليش يمين
أصل انت عايش ع الدليل
مهما حصل من مغريات
م البدايه للمامات
يا تعيش وترفع ف الهامات
وتبني عهد يكون جديد
يا تضيع ف بحر الدوامات
ترجع تنام بين الورق ف مفكره
تستنى بكره يكون سعيد
دوب اليأس الجليد خليك عنيد
حلمك بايدك مش بعيد
لوكله يجي ف يوم عليك
ودع خلاص نوم القلق فتح عنيك.....
#محمد_تيكو