الشاعر شريف الضلع

اللي يفكر انها ديما
يبقي اكيد الباشا حمار
يا حبيبي الدنيا مش ديما
والكل يا باشا لزوال
مش راح يفضل غير السيره
حلوه وتتغني بربابه
ولو وحشه مش راح تتقال
اوعي تفكر انها ديما
فرعون قبلك ملكه اتزال
والكرسي مش باقي لحد
مش باقي غير الافعال
اعمل خير هتلاقي الخير
تعمل شر تعيش متهان
خايب ياللي فيوم هتفكر
اني الدنيا بقيا لغيرك
راح تفني والكل زوال
حاسب قبل ما تنطق كلمه
الكلمه موزونه بميزان
لو تعمل صالح ف حياتك
وعد مني اعمل تمثال
واسكت خالص مش هتكلم
عاوز اشوف منك افعال
كنت بتوعد ايوه بتوعد
وعدك لينا كانه خيال
بس هقولك كلمه يا صاحبي
الافعال محتاجه رجال
..........................................
كلام عارف صحابه
كلمات الشاعر شريف الضلع