الشاعر حمادة مختار

................... بلاش ظنك يكون سيئ ........................
بلاش ظنك يكون سيئ ...............
وخلي نيتك صافية .
بلاش خلقك يكون ضيق ...............
وحقك تاخده بالعافية .
وسامح أد ما تسامح .................
هتلقي نفسك الرابح ..................
وقلبك بالجمال طارح ...................
ونفسك تبقي مكتفية .
بلاش قولك يكون جارح ...............
وتضرب بكره ف امبارح ...............
وعقلك يبقي مش سارح ...............
غير ف الحقد والغيرة .
ياصاحبي قدم الفاتحة ...............
بحسن الظن ومسامحة ................
هتلقي النفس متصالحة ...............
وعقلك خالي م الحيرة .
وعامل الناس بأخلاقك ...............
وحسن الظن في آدائك ...............
هتلقي الكل يشتاقك ................
وبيقابلك بفرحة كبيرة .
هتاخد إيه من الدنيا ................
غير سيرتك تكون عطرة .
العمر بينتهي ف ثانية ...............
وتفضل منه. الذكري .
تكون حلوة مابين الناس ............
تكون عطرة علي الانفاس ..........
ولا تكونشي ف يوم نكرة .
***************************************************** *************** حمادة مختار **************
***************************************************