#غدر_صحاب
المره دي حالفني الحظ اكتب مع الشاعر المبدع
Ahmed Refat Meherm
#احمد_رفعت
كل الطرق لوحدي همشيها
من غير صديق ولا ضل هيسبني في العتمه "
كل اللي قاللي معاك كان جنبي وقت الفرح وأتخلي في الأزمه
مضطر أنساكم لجل إني أعرف "أعيش "
مضطر أعيش وحدي علشان في وقت الحزن ماأقولش لحد "ماتسبنيش"
---------------
#هاني_احمد
معاك الحق يا خسارة على الصحبة
لا عادت تفدي أو تغني و لا ترضيش
في زحمة همنا نجري و نتناسىٰ
أصول عِشرة زمان راحت و لا حتجيش
طرق تاهت في قلب دروبها ملامحنا
معاك الصبر يا عيوننا فلا تبكيش
-------------------
#احمد_رفعت
طب جرب تعيش بالقلب متوارب
وماتفتحوش باالوهم ع البحري
كل اللي قال متخافش بيفارق '
أول مايزهق ع الفراق يجري
حاول تعيش الدنيا علي مهلك
سيب النصيب للمولي يختاره
كل البشر في الأساس مُهلك
لجل الطمع أنطرد من داره
---------------
#هاني_احمد
لا متلاقيش ده العند فيه غالب
كل أما ح أبعد بينده لي
دايماً قليل البخت في الصاحب
دايماً بشيل الطين على كاهلي
أبداً مفيش صديق بيستاهلك
ده بيعرفك من أجل أعذاره
تفضل تعيش فضلك بيُستهلك
سرك معاه و جاهل بأسراره
-------------------
#احمد_رفعت
كل اللي مد أديه لصحابه كسرتها
كل اللي عاش مخلص ميت وهو حزين
كل اللي عاشر ناس ..وأتخم في قلوبهم
ضحكوا معاه في الوش وأتحولوا لتعابين
قتلوا القتيل ع الباب وأتلموا في الزفه
نسيوا اللي مد أديه وهون علي قلوبهم
كل اللي قالوا تمام هتغيروا الكفه
---------------
#هاني_احمد
غدرالصحاب ضربة و بعِزم قوتها
ليها جراح توجع… تفضل ملازمة سنين
قصة بتتكرر معروفة نهايتها
أقرب صحابك داس ع الجرح بالسكين
و لا عادش في إخلاص
غير غدر أقرب ناس
و صحبة نختارها تملا حياتنا أنين
#تمت
ليست هناك تعليقات:
إرسال تعليق