إلي أمي
رحمة الله عليها
لما كنت أقول
الآه
كنتِ بتاخديني
ف حضنك وتضمي
ماإنتِ الوحيدة
اللي كنتِ شايله
همي
أمي
ماإنتِ الحبيبه
والقريبة من قلبي
وحُبك إنتِ اللي
ماشي ف دمي
كنت دايماً
عاوزك جانبي
أنا لوهكتب .....
أنا لوهكتب عنك
هحتاج من الكلام
ياما
دا حبك ف قلبي
مش محتاج كلام
ولاعلامه
كلام إيه يوصفك؟؟
دا ياما إتحملتي
كتير ملامه
منك إتعلمت أنا
الجدعنه والشهامه
أمي...
يعلم ربي حبي ليكي
قد إيه
وكلامي لوصفك
محدش يقدر عليه
ولوهتكلم عنك
مش عارف هقول
إيه ولاإيه
وعُمري كله قليل
ع اللي كنتِ بتعمليه
سامحيني
مش عارف أوصف
اللي قلبي ليكي مِداريه
وإزاي هوصفك؟
وإنتي فوق الوصف
وزيادة
ولولا خوفي من ربي
كنت قُلت حبك عباده
أمي ....
دا إنتِ كنتِ روحي
وقلبي معاكي فين
ماتروحي
وكلامي هيطُول
مش مجردكلام ينكتب
فوق السطور
دا إنتِ كنتِ شمسي
اللي بتشع نور
وبسمتك زي طير
بيعدي كل البحور
إنتي نبع الحب
إنتي الحنان
لوهكتبك تعجز
1000قصيده
وملايين من السطور
.............................
جلال محمد
مصر.. كفرالشيخ
2024/10/28
ليست هناك تعليقات:
إرسال تعليق