( سوريا. ) / ٩٦
(سأخبر الله بكل شئ )
سأخبر الله بكل شئ
بكل شئ ...سأخبره
عن أملي......وتعثره
عن القاتل ..وتجبره
عن الترويع.عن التجويع
عن الخوف ال سكن خوفي
من ...رعبه
جري وعشش سكن جوفي
عن ..القناص
عن المصاص
عن عمو ...ال كان.... بصاص
وقبل الكلمه سبقه... رصاص
عن كام معزي ...وكام قداس
عن ابويا ال.طار من الارض مجرد داس
عن بنت خالي ال كانت بتلعب معايا
عن صاحبي ....وال فاض منه. بقايا
كنا نجري نكفي ونلبس الحله حوايا
عسيت علينا وعرفت مكاننا الشظايا
عارف ياعمو هاقول له ايه
هاقوله شح الرجال وكترت في أوطاننا الولايا
وان قرارنا لسه قاصر مفروض عليه الولايه
واقول له عن .ال شفته
عن الأرامل..عن خالتي عزه...... والعمه مايا
عميت عيون الدنيا عنهم
......................و الصبايا صبحت سبايا
واشتكيله من.. كل ابويا .ومن كل اخويا
شافني والميه هربت من أمامي ومن ورايا
هاقوله مافاض في ارضي من الرجال سوي الحنايا
وان الكلمه مستحيه وف تعداد الخبايا
ايوه هاقوله كل حاجه وكام حكايه
عز بردك.. كنا....في ...الخيمه ..عرايا
وان جوعنا نهش ضلوعنا وال ساند العصايه
كنت جدو ا ايوه جدو ا بكل تفاصيله وزوايا
وان امي كانت بتجيب .حاجات مش عارفها
الطعم يصرخ انه جيفه .ومن. ضحايا
وان نهارنا كان هو ليلنا وان ليلنا زيه برده
مكشر أنيابه ولينا مش. مخلص ..نوايا
والنور يضوي في السما .ينزل.يقسم.البلايا
موت ومتغلف بموت بعتوه..أولاد.... البغايا
وحتي صاحبي ال عاش
امه ماتت وابوه ..مات
صاحبي راجل كل ورثه من ابوه بس السمات
ومطلوب من امي. تبقي كل ..الامهات..
تعدل بين ولادها بكسره.من.كسر. الفتات
سأخبر ربي بكل ال فات
..وهو.. اعلم...بال راح بكل هفوه بال آت
- .........سأخبر الله بكل شئ
ليست هناك تعليقات:
إرسال تعليق