(عبد الستار ) / ٨٨
عارف يا واد كنا ايه
كان وكنا
كان ..جنيهنا ..كان ..جنيه
كان ابويا كل قبضه في الشهر منه
النبي حارصه تلاته.. جنيه
كان يعيش .ونعيش. معاه
وتشم .الراحه .في ..هواه
كان ابويا الله... يعينه.
قرشه في جيبه يزينه
عمده زيه. وبرده.. بيه
وكان البيه الجنيه........... ايوه. بيه
لما يطلع في مكان.... ليه احترامه
توسع الدنيا المكان ...ويقعد مكانه
كان بيصرف علي عيله من غير اي .قرض
كان سترنا لوعددنا يعدي... السابعه. بفرد
كان يجيب خضار و لحمه
كان... يفك... اي...... زحمه
وكان يجيب فستان لرحمه
ويجيب معاه بدله .لسعد
كان يجيب.. رز ....وزيت
كان بيستر.... كل.... بيت
كان كمان.. للسعد ...وعد
كنت تمشي بيه... معرش
وكان حميك من اي رعد
كان يجيب من السمنه رطل
كان يجيب من النحل سطل
كان يجيب خزين في بيتنا
امي كتباها .في .سطر
كان جنيه مرسوم وآيه
و ليه عل القرش الولايه
عمده ومن غير.. دعايه
وكل قصده كان. شريف
كان يجيب مأتان رغيف
ومن الفطير. يتوه .العد
كان بيحترمه..... الباتيه
وكل امله.. ينول.... الود
ايوه يابني كان لينا بيه
قبل الزمن مايجور عليه
الف.. رحمه. ونور .عليه
ايوه يابني
كان جنيهنا كان .جنيه
ليست هناك تعليقات:
إرسال تعليق