( القرش ) /١٠٤
ياعم القرش ليه اعمي
وليه عندي شحيح وكفيف
وليه عندي بتستعمي
وكأني ليك ماكنت وليف
مع انك كنت مخاويني
ودينك هو كان ديني
ايه ال بينا ..اتغير
وصبحت رخم و سخيف
عارف وانت بتبعني
وتاركني... ماتتبعني
مفيش في الدنيا واجعني
بتدبحني بحد السيف
ملكش اصل من اصله
ولاجدك عارف فصله
قليل الاصل. وبتتقن
الخسه معاك ع الكيف
لا عندك بر .بحابيبك
جامد قلبك
......... وليك جايبك
تزور جيبي. وبسرعه
بتعمل ضيف
لا ليك صاحب ولا مله
ايده بايدك.. في الحله
ماتخلي يوم من العله
تقوم تمشي
......... خفيف.ف خفيف
لاتبقي يوم علي العشره
ليهم بتصدر الكشره
ولو واحد لامك مره
ترد تقول
......... امراض. الصيف
ماكنت اعرف... الا عيبك
داريت وخبيت ليه عيبك
متقولي مين. بس حبيبك
نقعد.. نتصافي.. ويجيبك
ويكون قصدك
........... لجيبي شريف
مسيرك تيجي ومن تاني
احن عليك واكون. حاني
وانسي .انك .يوم. .جاني
وتتحمل تهز الديل
وتتمسح. .وتتظاهر
بأنك طول ..عمرك
وديع ..واليف
ليست هناك تعليقات:
إرسال تعليق