((الوحدة العربية))
أيه إحساسك
لما تكون دايما مضغوط
أيه إحساسك
وكل مناك الوقت يفوت
أيه إحساسك
مش فارق حياه ولا موت
أيه إحساسك
لما تحاول ترسم ضحكة
ومن جواك ترقع بالصوت
ليه بتحاسب طفل يتيم
ليه بتشاور عقل لئيم
ليه بتلوم على أب أسير
وانت بتتمتع فى الخير
ليه بتضيع حلم سنين
ليه بتعيش الدنيا وخايف
ليه الهم على الراس طايف
نفسك تحلم لكن خايف
أصلك شايف
كل الحلم بيكون أوهام
بقولك أية
بقولك لاء ومليون لاء
إرفع راسك وكلك قوه
عيش العمر بحالتة وهو
كفاية عليه مغموس حرمان
إرفع راسك كلها بدقة
تاريخ أجدادك عمره طويل
عربي أصيل حرر بلدة
بعرقة وقوة
عمره ما دخل مرة دخيل
قلبي أصيل عطشان لحنان
دقة قلبي لما تشوفها
ماده إيديها تقول إحسان
والله زمان
قلبي نفسة يحب وخايف
يوم ما توافقة يصير بركان
أصلة ياعيني عايش وحداني
وشارب من كأس الحرمان
أشر بس وقوله تعالى
هتلاقي نبضة عايش توهان
الماضي مجرم مره قساوتة
وخايف تاكلة القضبان
قطر العمر بيعدي بسرعة
ووطنا ما يتحمل وجعة
وفراملة ملهاش أمان
أيه إحساسك
وانت بتحرم قلب أشتاقلك؟؟
باقي العمر هيعيشه جنبك
حاسس بيك هيكون إنسان
طبطب على قلب إتمناك
كل مناه يضمة هواك
يمكن شوقة يكون دا دواك
ولو إتحدنا يكون دا هلاك
لكل ظالم يتمناك
ما تحس بأخوك
وتبيع دنياك
ٱرحم أم فى قلب الوادي
صوتها إنبح وهيا تنادي
لموا الشمل حرام ياولادي
ضيعتوا تاريخي وأمجادي
إسأل عني صلا ح الدين
يحكيلك عني بن العاص
أعدائكم كلك أوباش
من شرق بلاد الرافدين
م القدس وأقصى فلسطين
م المنشاء وتراب حطين
وحدودي الغربيه أمان
وجنوبي وشمالي خدام
سقياهم الذل سنين
إنتوا اللي عملتولهم صيت
جرابيع وبقالهم ١٠٠ صوت
بنتفرج واحنا بنموت
وقاسمونا حتى فى القوت
وولادنا على حدودنا بتصرخ
تستني مساعدات بتفوت
وإحنا ولا أحناحاسين
بعمانا ماأحنا شايفين
والأمة العربية تصقف
والنخوةالعربية تموت
قاعدين بنزمر توت توت
والكلب بيقاسم فى الحوت
الوحدة العربية ياناس
أيه إحساسك يابن الناس ؟؟
بقلمي
نبيل عبد الحليم
١٢/٢/٢٠٢٢
ليست هناك تعليقات:
إرسال تعليق