بقلم/سيد عبد الوهاب/ازاي

إزّاى

إزّاى قلبى عَلِيكى يهُون
إزّاى قَلبِك  بَس يخُون
 لِيه بِتخُونِى وقَلبِك عَارِف
إنِّك عَندِى تِسَاوى الكُون

لِيه بِتخُونِى بِرِمش عنِيكِى
لِيه بِتخُونِى وقلبى شَارِيكِى
إزّاى  قلبِك يقدَر يُحكُم
 ُیُحكُم إنّى أَمُوت بِإيدِيكِى

قَلبِى صَان عَهدِك بِأَمَانه
قلبِك رَدّ عَلِيه ب ِخِيانَه
عِينى بتِسهَر فِيكِى تفَكّر
وانتِى مَع غِيرِى سَهرَانه

عِينِك لَمَّا جَت فِ عنِيَّا
ضِحكِت ضِحكَه حِلوه شَقَيّه
لَكِن يَاخسَاره ع َالضِحكَه
أَتَارِيهَا كَانِت مُش لِيَّا

كُنت بَاصَبّر نَفسِى كتِير
قُلت شكُوك مِنَّا بِتغِير
أهرَب لِيكى وافَكّر فِيكِى
بَاكدِب حَتَّى فِی  التَفكِير

إزّاى هَان الحُب عَلِيكى
إزّاى يِبقَى الغَدر مَالِيكِى
وانَا بَاضَحِى ب كُلُّه عَشَانِك
وبَاقُولّك أنَا كُلِّى اهُو لِيكِى

بقلم / سيد عبدالوهاب