الشاعرة/زينب سالم/كان وياما كان

كان و ياما كان
                   كلمات / زينب سالم
كان و ياما ياما كان
كان جوانا يا مصر انسان
كان و ياما كان
كنا قدام المحن سندان
لكن ايه جرى و كان
كنا ببراءة عايشين زمان
كنا بنحب بعض ما ننهان
قد كدة يا ناس الدم هان
قد كدة صبح الانسان
و لا له أي مكان
ييجي و يروح جرس و آذان
ليه روحنا ما تنصان
احنا هنفضل تملانا الأحزان
احنا بني آدمين مش خرفان
احنا كنا زمان أصحاب المكان
كنا أسياد الكرامة و الميزان
بكلمتنا بس عاشت بلدان
حمينا الأرض و دمنا هان
وقفنا جنب كل الجيران
ساعدنا ضد العدا عشان
النخوة فينا و جوانا الايمان
ياما رحبنا بضيوفنا من زمان
و واقفين جنبهم حتى الآن
بس الضيف حضر زي الجان
ولع ناره و ملانا دخان
توه دماغنا و ترابنا عطشان
لامتى يا ارباب التوهان
هتفوقوا و ترجعوا اللي كان
يا حبيبي يا مصري زمان
فينك بجد فينك من زمان
انده و اجرب يمكن الجبان
اللي مستخبي بينا يبان
و الجدع يظهر و الا مرضان
اقول لكم خليكوا في الحرمان
الطوب هينطق اظهر و بان
يا مصري و اعبد الديان
                 كلماتي / زينب سالم
2016/12/13