الغربة/الشاعرة المبدعة/سميه القيصر

..$ الغربه $..
كنت عارف إن قلبك مش عشانى
وأن حبك كان أماني
وأن بكره لحد تاني
جيت علي بابك أخبط
كان منايا تفتحيلي
تمسحي غربة سنيني
وبحنانك تحتويني
قلت أكدب كل كلمه قالوا عنك
بس . صدقني فيكى صدك
...............
...............
قالوا أيه الناس عليا
قالوا أيه
قالوا باعت قالو خانت
قولى بس قالوا أيه
قالوا إن هواك معايا
م البدايه للنهايه زي ضلي
قالوا إني رغم بعدك
صاينه عشي
عايشه جوى الذكريات
بانيه قصر م السكات .
قصر ملياه الأهات
والليالي تفوت عليا
تسرق النوم من عينيه
وأنت عايش دنيا تانيه
قوللي بس قالوا أيه
قالوا إني خلاص نسيت
و للا حبيت او هويت
ولا أنك بين ضلوعي
ذنب أتحاسب عليه
قالوا أيه
بص في عيوني وقوللي
هي دي نفس العيون
ولا دبلها الهموم
سيبتني وبعدت ليه
لجل دبله او غويشه
كنت راضيه بأي شئ
بس تيجي تقول .شاريكي
عمري مافرطت فيكي
مش تسبني لحد تاني
يسرق الشوق و الامانى
وتضيع سنينى .. بين ايديه
جي تاني بعد أيه
جبت شنطه بين ايديك
قولي جبت فيها ايه
حبة جراح ويا أهات
ودموع ليالي وذكريات
مع عمر ضاع
جي تاني بعد أيه
بقلم
سميه القيصر