قصيدتى // مانيش انتى // اهداء الى ماما حببتى في عيد الام
كلمات وصوت //الشاعرة امل فرج
اخراج اخي الخلوق // الفنان ابراهيم شكري بحلم بمصر جميلة
***************
مانيش انتى
***********
مانيش انتى فسامحينى
يا ست الكل
مانيش قلبك ولا حضنى
كما حضنك بيطرح فل
صحيح صورتك دى فمرايتى
بنفس ملامحى دى فصورتى
لكن صورتك بتسعى الكل
مانيش انتى
فمتقوليش فيوم هونتى
عشان اليوم ما صبحتى
ولا نسيتك
وهنسى ازاي حيطان بيتك
وتنهيدك
وطبطبتك على دراعى
ومهما ادارى واخبى
الاقى عينيكى فضحانى
بتسمعنى
وقبل دموعى ما بتنزل
بلاقى عينيكى سبقانى
تفرحنى .
فمتقوليش فيوم هونتى
ولا نسيتك
انا فتحت ولقيتك كما الراجل
بتشقى مرار
وفيض طافح ولا شيكيتى
وشيلت من الهموم اتلال
وقلبك ليا بيسامح
ولا يوم حتى مليتى
ويوم ما شفتلك دمعة
وانا رايحة هناك بيتى
فمتقوليش فيوم هونتى
ومين ربى ومين كبر
ومين ويا الامام كبر
. بشوف الستر فايداكى
مانيش انتى
لكن من حبى انا ليكى
مانيش قادرة
اشوفك ع السرير نايمة
ورجليكى ماهش شيلة
فجسمك اللى بان شقيان
ولا قادرة تقوليلى
ولا راضية انى ليكى اسند
والاقى ايديكى تتسند
على ابويا
اللى متبروز على الجدران
واسمع شكوتك ليها
بوجعك اللى ماليها
اخاف اصحى الاقيها
فجنبه تزين الجدارن
فاقوم اهرب
وابص فعينك الصافية
واتهرب
واقولك نظرتك كافية
وخايفة فيوم لتتغرب
و اصبح ماالقى ليا مكان
واعيش تايهه كما الرملة
على الشطئان
تاخدنى الموجه وتعدى
وتسحبنى وتحدفنى
مالقى ليا حضن امان
فاكرة ياامى يوم ابويا
وانا بصرخ تضمينى
واسمع نبض فاحضانك
يعزينى
تقوليلى ماليش غيرك
فتكوينى
وغيرك مين انا ليا
ومين عزاكى فالدنيا
وانا بسمع لصوتك يومي يندهله
واخاف ياخدك
الاقى جدرك المرعوب
على فراقك
ماهوش.. ثابت
وخايفة فيوم يقولولى
خلاص ماتت
مانيش انتى فدفينى
اشبع من حنان حجرك
واتسند على سندى
سبينى ابوس كمان رجلك
ومتخبيش وجع صدرك
ليوجعنى
انا حساه وبندارى
ولو طولت انى اعقدلك سنين عمرى
واهديها لاعتابك
هعلقها على بابى
فماتقوليش فيوم هونتى
واناو انتى
كما لو روح وعين واحدة
هناك قاعدة
ماهيش قادرة على غيابك
وهونتى ازاى
وانابحلم اكون وردة
تخفف كل اوجاعك
مانيش قلبك ولا عقلك
عشان مفيش لقلبك زي
لكنى اقدر اتحمل
صعاب الدنيا علشانك
ولافيوم القى نتفارق
ماتسنيش اقول حاضر
صحيح فعلا بحبك موت
لكن على الموت
مانيش قادر
فمتقوليش فيوم هونتى
لانى بجد انا انتى
لانى بجد انا انتى
امل فرج
كلمات وصوت //الشاعرة امل فرج
اخراج اخي الخلوق // الفنان ابراهيم شكري بحلم بمصر جميلة
***************
مانيش انتى
***********
مانيش انتى فسامحينى
يا ست الكل
مانيش قلبك ولا حضنى
كما حضنك بيطرح فل
صحيح صورتك دى فمرايتى
بنفس ملامحى دى فصورتى
لكن صورتك بتسعى الكل
مانيش انتى
فمتقوليش فيوم هونتى
عشان اليوم ما صبحتى
ولا نسيتك
وهنسى ازاي حيطان بيتك
وتنهيدك
وطبطبتك على دراعى
ومهما ادارى واخبى
الاقى عينيكى فضحانى
بتسمعنى
وقبل دموعى ما بتنزل
بلاقى عينيكى سبقانى
تفرحنى .
فمتقوليش فيوم هونتى
ولا نسيتك
انا فتحت ولقيتك كما الراجل
بتشقى مرار
وفيض طافح ولا شيكيتى
وشيلت من الهموم اتلال
وقلبك ليا بيسامح
ولا يوم حتى مليتى
ويوم ما شفتلك دمعة
وانا رايحة هناك بيتى
فمتقوليش فيوم هونتى
ومين ربى ومين كبر
ومين ويا الامام كبر
. بشوف الستر فايداكى
مانيش انتى
لكن من حبى انا ليكى
مانيش قادرة
اشوفك ع السرير نايمة
ورجليكى ماهش شيلة
فجسمك اللى بان شقيان
ولا قادرة تقوليلى
ولا راضية انى ليكى اسند
والاقى ايديكى تتسند
على ابويا
اللى متبروز على الجدران
واسمع شكوتك ليها
بوجعك اللى ماليها
اخاف اصحى الاقيها
فجنبه تزين الجدارن
فاقوم اهرب
وابص فعينك الصافية
واتهرب
واقولك نظرتك كافية
وخايفة فيوم لتتغرب
و اصبح ماالقى ليا مكان
واعيش تايهه كما الرملة
على الشطئان
تاخدنى الموجه وتعدى
وتسحبنى وتحدفنى
مالقى ليا حضن امان
فاكرة ياامى يوم ابويا
وانا بصرخ تضمينى
واسمع نبض فاحضانك
يعزينى
تقوليلى ماليش غيرك
فتكوينى
وغيرك مين انا ليا
ومين عزاكى فالدنيا
وانا بسمع لصوتك يومي يندهله
واخاف ياخدك
الاقى جدرك المرعوب
على فراقك
ماهوش.. ثابت
وخايفة فيوم يقولولى
خلاص ماتت
مانيش انتى فدفينى
اشبع من حنان حجرك
واتسند على سندى
سبينى ابوس كمان رجلك
ومتخبيش وجع صدرك
ليوجعنى
انا حساه وبندارى
ولو طولت انى اعقدلك سنين عمرى
واهديها لاعتابك
هعلقها على بابى
فماتقوليش فيوم هونتى
واناو انتى
كما لو روح وعين واحدة
هناك قاعدة
ماهيش قادرة على غيابك
وهونتى ازاى
وانابحلم اكون وردة
تخفف كل اوجاعك
مانيش قلبك ولا عقلك
عشان مفيش لقلبك زي
لكنى اقدر اتحمل
صعاب الدنيا علشانك
ولافيوم القى نتفارق
ماتسنيش اقول حاضر
صحيح فعلا بحبك موت
لكن على الموت
مانيش قادر
فمتقوليش فيوم هونتى
لانى بجد انا انتى
لانى بجد انا انتى
امل فرج
ليست هناك تعليقات:
إرسال تعليق