الشاعر/محمود رجب /إحكى

----إحكي---  بقلم محمود رجب
اوصف واحكي وماتخجلش
لما تلاقي في بلدك هبش
والحراميه زادو وكترو
 زي الارز جوه  القش
إحكي وفضفض قول متخافش
الموجب بقي شكل السالب
والسالب طماع ماشبعش
ناهب حق ضعيف غلبان
وكرشو بيكبر ولا يصغرش
إحكي وفضفض قول ماتخافش
في بلدنا الغلبان بيفرفر
ولا رحمه بيه ولا تسميه
يفتح باب بيته بيلاقي
فواتير نار ومستنيه
إدفع واتظلم ياحبيبي
يأما هنقطع  عنك نورنا
والميه تقف ومتطلعش
احكي وفضفض قول ماتخافش
في المستشفي  انا كنت بموت
اغيثوني الله يخليكم
وصرخت ورقعت بصوت
من المي اتوسلت اليكم
إهمال كالعاده بأرواحنا
واطبا بتتعلم فيكم
احكي وفضفض قول متخافش
وحقول ايه بعد ال انا قولته
مصر حكاويها متخلصش
الشاعر محمود رجب