خواطر /دعاء طه/رغى آلات

#رغي_آلات

في حفلة و قاعده موسيقية
آلات في الهم مرمية
بتعزف نوتة ورا نوتة
و تتشارك في أغنية
و في الخلفية
صوت الناي
بيعزف لحنه علي مهله
و يفتح بيه جراح قدموا
و يقفل بيه جراح تانين
و نسمع ويا صوته أنين
يصحي الحزن جوانا
فيتدخل بسرعة العود
بحب و نور امل و وعود
و هزه بسيطة في الاوتار
بيقلب كل ليل لنهار
وصوته بيجري لودانك
و يتسابق بلحن قديم
يحول بيه قليل حزنك
لفرح عظيم
و في الركن البعيد ده هناك
كمان و جيتار
و لحن منافسة ودية
كمان عزفه يمس الروح
جيتار لحنه يصحصح قلب
و يعلي العزف و يسمعْ
و يتناغم في الحانه
جيتار و كمان
و عود علي ناي
بلحن و غنوه اجتمعوا
في حفلة و قاعدة موسيقية

#دعاء_طه