يادنيا
لفين يادنيا وخدانى
وليه دايما معندانى
بشيل الهم طول عمرى
وهمومى مين يشيلهالى
واقول الآه بأنفاسى
وإحساسى وأنا ناسى
أشيل الهم من راسى
وأقول يا أهلى ظالمينى
وقلبى خلاص يأس منى
وأدارى الدمع عن ناسى
وأكون ساكت ما بتكلم
يقولوا الراجل إتبلم
وانا سامع حكاويهم
لكن ساكت
انا عارف
انا كلى مزعلنى
ومش عارف هنتصالح
ولا الود غاب عنى
سنين وايامى بتعدى
ولاتهدى
وتعبانى وشقيانى
منا فى الهم طول عمرى
عشقنى خلاص
ولا راضى يروح عنى
ولما الفرح جه عندي
حلف بحياته مايسيبنى
وقالى إتلم
ومين غيرك يشيل الهم
عاوز تمشى وتسيبنى
تعالى خلى عندك دم
سنين والهم دغدغنى
سنين والهم كال لحمى
واشوف الفرح بعيونى
وكل الناس يباركولى
يسيبنى الفرح ويعدي
وياويلى يطول ليلى
مجاش النوم وييجى الهم
مفيش ولايوم تفرحنى
وتبعد عنى وتسيبنى
واعيش الباقى من عمرى
مشوفش الغم
وترجع ليا افراحى
واجيب مداوية لجراحى
وغور ياهم بلا فلقه
وروح واتلم. يادنيا
تعاهدينى على ذلك
اكون طول عمرى شيالك
وانام واصحى على حبك
واسعد كل ايامك
واكون قلبك
واكون عقلك
واكون فارسك وخيالك
مجدى النويهى
لفين يادنيا وخدانى
وليه دايما معندانى
بشيل الهم طول عمرى
وهمومى مين يشيلهالى
واقول الآه بأنفاسى
وإحساسى وأنا ناسى
أشيل الهم من راسى
وأقول يا أهلى ظالمينى
وقلبى خلاص يأس منى
وأدارى الدمع عن ناسى
وأكون ساكت ما بتكلم
يقولوا الراجل إتبلم
وانا سامع حكاويهم
لكن ساكت
انا عارف
انا كلى مزعلنى
ومش عارف هنتصالح
ولا الود غاب عنى
سنين وايامى بتعدى
ولاتهدى
وتعبانى وشقيانى
منا فى الهم طول عمرى
عشقنى خلاص
ولا راضى يروح عنى
ولما الفرح جه عندي
حلف بحياته مايسيبنى
وقالى إتلم
ومين غيرك يشيل الهم
عاوز تمشى وتسيبنى
تعالى خلى عندك دم
سنين والهم دغدغنى
سنين والهم كال لحمى
واشوف الفرح بعيونى
وكل الناس يباركولى
يسيبنى الفرح ويعدي
وياويلى يطول ليلى
مجاش النوم وييجى الهم
مفيش ولايوم تفرحنى
وتبعد عنى وتسيبنى
واعيش الباقى من عمرى
مشوفش الغم
وترجع ليا افراحى
واجيب مداوية لجراحى
وغور ياهم بلا فلقه
وروح واتلم. يادنيا
تعاهدينى على ذلك
اكون طول عمرى شيالك
وانام واصحى على حبك
واسعد كل ايامك
واكون قلبك
واكون عقلك
واكون فارسك وخيالك
مجدى النويهى
ليست هناك تعليقات:
إرسال تعليق