احكى وقول يابن البلد
كيف أصبح حال البلد
ناس من العز بطونها اتملت
وفلوس كتير ميفرقش معاهم
كام جنيه منهم فلت
وناس ياولداه من الفقر
حالهم بقة عدم
والمعدة خاوية لا أكل ولا شرب
يقيم البدن اللى سكنه المرض
فى يوم ام مسكينة فكرت
تشتغل وتجيب كام قرش
تساعد بيه ابو الولد
ماالدنيا غالية والعيشة مرة
والجوع والمرض هدوا الجسد
المشنة هى رأس مال الست
مدت اديها للجيران تستلف
كام جنيه وفى نيتها للدين تسد
بعد ماتجيب سبوبة تبيعها
وتكسب فيها حبة قروش
تعيش منهم ومتتحوجش لحد
أصلها عفوفة ومستحية
وبتكف اديها عن المد
وراحت فى الشارع تبيع
لكن بلدنا للاسف معجبهاش الوضع
جت بقوتها تسحب رأس مال الست
والأم تصرخ وبقوتهاللمشنه تشد
وبأعلى صوت وبحرقة قالت
أه يابلد هنتى الغقير وزلتيه
وكأنه غريب مش فيك تولد
بالله قوليلى يا بلد
ياللى بخلتى عليا
بالكرامة والسند
إزاى أربى ولادى
واعلمهم يحموكى
بكل عزيمة وجلد
عتابى ليكى يا بلد
ياللى ترابك عندى دهب
راعى الفقير حبتين
ماانت امه وهو فيك تولد
بقلمى انتصار سلامة
كيف أصبح حال البلد
ناس من العز بطونها اتملت
وفلوس كتير ميفرقش معاهم
كام جنيه منهم فلت
وناس ياولداه من الفقر
حالهم بقة عدم
والمعدة خاوية لا أكل ولا شرب
يقيم البدن اللى سكنه المرض
فى يوم ام مسكينة فكرت
تشتغل وتجيب كام قرش
تساعد بيه ابو الولد
ماالدنيا غالية والعيشة مرة
والجوع والمرض هدوا الجسد
المشنة هى رأس مال الست
مدت اديها للجيران تستلف
كام جنيه وفى نيتها للدين تسد
بعد ماتجيب سبوبة تبيعها
وتكسب فيها حبة قروش
تعيش منهم ومتتحوجش لحد
أصلها عفوفة ومستحية
وبتكف اديها عن المد
وراحت فى الشارع تبيع
لكن بلدنا للاسف معجبهاش الوضع
جت بقوتها تسحب رأس مال الست
والأم تصرخ وبقوتهاللمشنه تشد
وبأعلى صوت وبحرقة قالت
أه يابلد هنتى الغقير وزلتيه
وكأنه غريب مش فيك تولد
بالله قوليلى يا بلد
ياللى بخلتى عليا
بالكرامة والسند
إزاى أربى ولادى
واعلمهم يحموكى
بكل عزيمة وجلد
عتابى ليكى يا بلد
ياللى ترابك عندى دهب
راعى الفقير حبتين
ماانت امه وهو فيك تولد
بقلمى انتصار سلامة
ليست هناك تعليقات:
إرسال تعليق