بقلم /سيد عبد الوهاب/هلال وصليب

هِلَال وصَلِيب

قالُوا هلال قالوا صليب
قالوا كلاَم تانى عَجِيب
قالوا كلام  يقتل نفوس
قالوا بلاش الوِحدَه عيب
كان قصدهم جمْع فلوس
قصدهم فلوس فِ..جِيب
كان قصدهم شّق الصفُوف
كان زَرعُهم ظُلم وخُوف
كان قصدُهم وطن غرِيب
قالوا يا مِينَا كِدَه خلاَص
أحمد بِيضرَب فِيك رُصاص
يا مِينَا أحمد مش حبِيب
وافهم ياأحمد مِينَا كَافِر
أوعى تِسّلم لِيه وعَافِر
صوّب عليه سهم يِصِيب
كان قصدهم زَرْع الفتن
ويعَكّروُا صَفو الحلِيب
بيخلقوا لِينا المِحَن
بِيخلَقوا جوّ كَئِيب
قالوا ولسّه هايقُولوا تانى
لِسّه هانِسمع كلام يخِيب
إنسى كلامهم
وافهم مُرَادهم
قُولها بصُوت عالى مهيب
يحيا الهلال مع الصليب
يحيا الهلال مع الصليب
بقلم / سيد عبدالوهاب
....كلامى غير موّجه الى
أى فصيل سياسى بِعينه
بل الى كل فرد حاول إشعال
نار الفتنه بين أبناء الوطن